Hermann Bote: Dil Ulenspiegel

Die 14. Histori sagt ...

Die 14. Historie sagt, wie Ulenspiegel ußgab, das er zu Megdburg von der Lauben fliegen wolt, und die Zuseher mit Schimpffred abwise.

Bald nach diser Zeit, als Ulenspiegel ein Sigrist waz gesein, da kame er geen Megdburg und treib vil Anschläg und sein Nom ward davon erst bekant, das man von Ulenspiegel wußt ze sagen. Da ward er angefochten von den besten der Bürger von der Stat, daz er solt etwaz Abenthür treiben. Da sagt er, er wolt es thun und wolt uff daz Rathuß und von der Lauben fliegen. ...